Yeni tikililərin işıq problemi ilə bağlı - QƏRAR

"Tikinti obyektlərinin enerji təchizatı şəbəkəsinə qoşulmasına görə qoşulma haqqı məbləği”nin təsdiq edilməsi barədə” qərarda dəyişiklik edilib.


Oxu.Az-ın məlumatına görə, bu barədə Baş nazir Novruz Məmmədov qərar imzalayıb. 


Sahibkarların mövcud və ya inşa ediləcək tikinti obyektlərinin elektrik enerjisi ilə təchizatı prosedurunun sadələşdirilməsini nəzərdə tutan qərara görə, aşağıdakı dəyişikliklər edilib.


Sahibkarların tələb olunan gücü 150 kVt-a qədər (150 kVt da daxil olmaqla, 2
mövcud 0,4 kV-luq şəbəkədən) olan mövcud və ya inşa ediləcək tikinti obyektlərinin enerji təchizatı şəbəkəsinə qoşulma müddəti 24 gündən 20 günə endirilib.


Mövcud və ya inşa ediləcək tikinti obyektlərinin enerji təchizatı şəbəkəsinə onların istəyinə uyğun olaraq qoşulması müddəti isə 12 gündən 10 günə salınıb.

www.anews.az