Nazirlik 8 nəfərin öldüyü dəhşətli qəza barədə məlumat yaydı

Daxili İşlər Nazirliyi (DİN) aprelin 29-da saat 12 radələrində Göygöl rayonunun Yeni Qızılca kəndi ərazisində Daşkəsən rayon sakinləri Eldəniz Həsənovun idarə etdiyi "VAZ-2107” və Aslan Camalovun idarə etdiyi "VAZ-2106” markalı avtomobillər toqquşması barədə rəsmi məlumat yayıb.

Anews.az xəbər verir ki, DİN-in məlumatına görə, hadisə nəticəsində E.Həsənov və həmyerliləri olan sərnişinləri Nahidə Orucova, habelə A.Camalov və həmyerliləri olan sərnişinləri Həmid Bayramov hadisə yerində, eləcə də E.Həsənovun qızı Rübab və digər sərnişini Firəngiz Orucova, A.Camalovun oğlu Hüseyn və arvadı Sevinc Xamalova isə xəstəxanada ölüblər.

E.Həsənovun digər sərnişini – arvadı Ruhiyyə Həsənova xəstəxanaya yerləşdirilib.

Baş İstintaq və Təhqiqat İdarəsi tərəfindən araşdırma aparılır.