Xələf Xələfov Nazirlər Kabineti Aparatının rəhbəri vəzifəsində də qalacaqmı? - RƏSMİ AÇIQLAMA

Xəbər verdiyimiz kimi, Prezident İlham Əliyevin sərəncamı ilə Xələf Xələfov Xarici İşlər nazirinin müavini vəzifəsinə təyin olunub. Bundan əvvəl isə X.Xələfov 2018-ci ildə Xarici İşlər nazirinin müavini vəzifəsindən azad edilərək Nazirlər Kabineti Aparatının rəhbəri vəzifəsində çalışıb. X.Xələfov nazir müavini vəzifəsi ilə bərabər, Nazirlər Kabineti Aparatının rəhbəri vəzifəsini də daşıyacaqmı?

Məsələ ilə bağlı Unikal.org-a Azərbaycan Xarici İşlər Nazirliyinin (XİN) mətbuat xidmətinin yeni rəhbəri Leyla Abdullayeva bildirib ki, bundan sonra X.Xələfov nazir müavini kimi fəaliyyət göstərəcək: "Artıq X.Xələfov Nazirlər Kabineti Aparatının rəhbəri vəzifəsini tərk edib. Qanunvericiliyə görə, o, iki vəzifəni tuta bilməz. Bundan sonra Xələf müəllim nazir müavini vəzifəsində fəaliyət göstərəcək".