“Azərbaycanda dövlət hesabına fəaliyyət göstərən bütün rusdilli məktəblər bağlanılmalıdır”

"Bu gün Azərbaycanda rusdilli məktəblərin dövlət hesabına fəaliyyət göstərməsi dövlət dilimizə hörmətsizlikdir və bizə yaxşı heç nə vəd etmir”
"Mənim üçün böyük qürurdur ki, Ukrayna dili haqqında qanunda Andrey Parubiy və (Ali Radanın sədri red.) və Petro Poroşenkonun imzası olacaq”, – o deyib.
O vurğulayıb ki, bu qanun ölkədə mövcud olan başqa qanunlara qarşı yönəlməyib, Ukrayna dilinin müdafiəsinə yönəlib.
Xatırladaq ki, aprelin 25-də Ukrayna parlamenti dövlət hakimiyyəti orqanları, təhsil müəssisələri və ölkə xəstəxanalarında Ukrayna dilinin məcburi istifadəsi haqqında qanunu qəbul edib. Qanun dilin tətbiq edilməsinin məcburiliyini yalnız şəxsi ünsiyyət və dini ritualların icrasında istisna edib.
Ukraynada keçirilən prezident seçkilərində qalib gələn Vladimir Zelenski isə Feysbuk hesabında adının yazılışını rus dilindən Ukrayna dilinə çevirib.
"İzləyicilərimizdən gələn bu təklifə baxdıq. Prezident kimi yeni bir statusun olduğunu nəzərə alsaq, bu, həm də yerinə düşdü”, – mətbuat katibi bildirib.
Ruslarla eyni dil qrupuna daxil olan slavyan xalqlarından biri rus dilindən rəsmən imtina etdiyi halda, əsrlərlə Rusiya imperiyasının məkrli siyasətindən əziyyət çəkən, hazırda da bu imperiyanın basqısını öz üzərində hiss edən Azərbaycanın təhsil naziri Ceyhun Bayramov "Rus dilinin intensiv tədrisi” layihəsinin davam etdirilməsi barədə əmr imzalayır. Ölkəmizdə övladlarına rus dilində təhsil vermək istəyən soydaşlarımızın sayı isə gündən-günə artır.
Bəs dünyada, xüsusilə də possovet ölkələrində vüsət alan rusofobiyaya rəğmən, bizdəki rus sevgisinin, rusofilliyin səbəbi nədir?
Bu suala cavab tapmaq üçün AMEA Fəlsəfə İnstitutunun aparıcı elmi işçisi, dosent, fəlsəfə doktoru Faiq Ələkbərliyə müraciət etmişik.
"Azərbaycan müstəqilliyini bərpa etsə də, Rusiya hələ ölkəmizdən tam əlini çəkməyib”

Faiq Ələkbərli sözügedən mövzu ilə bağlı "Hürriyyət” ə bunları söyləyib:
"Hesab edirəm ki, ölkəmizdə dövlət hesabına fəaliyyət göstərən bütün rusdilli məktəblər birmənalı şəkildə bağlanmalıdır, övladlaını rus dilində oxutmaq istəyən valideynlər isə bunu öz hesabına etməlidir, yəni rusdilli məktəblər yalnız ödənişli əsaslarla fəaliyyət göstərə bilər.
"Rusiyaya ilə bağlı bu qədər güzəştlərin olması məhz Rusiya ilə münasibətləri sabit saxlamaq istəyindən irəli gəlir”
Azərbaycan torpaqlarının işğal olunmasında həm Sovet Rusiyasının, həm də bugünkü Rusiya Federasiyasının ciddi əməyi var.
Azərbaycan sözün həqiqi mənasında öz müstəqilliyinin keşiyində dayanırsa və bu günkü ölkə rəhbərliyi doğrudan da müstəqil siyasət yürütdüyünü dünyaya bəyan etmək istəyirsə, bu günə qədər rus dili ilə bağlı edilən bütün güzəştləri ləğv etməlidir.
Ona görə də Azərbaycan öz mövqeyini ortaya qomalıdır. Zənnimcə, rusdillilik məsələsi Azərbaycanın gələcəyi üçün təhlükəlidir.
"Azərbaycanda rusdilli məktəblərin dövlət hesabına fəaliyyət göstərməsi dövlət dilimizə hörmətsizlikdir və bizə yaxşı heç nə vəd etmir”
Əslində bu gün Azərbaycanın qüzeyi öz müstəqilliyi, milli-mənəvi dəyərlərə sadiqliyi ilə güneylilərə nümunə olmalıdır. Amma təəssüf ki, tolerantlıq, multikulturalizm adı ilə bizi kökümüzdən ayırırlar. Bu gün Azərbaycanda rusdilli məktəblərin dövlət hesabına fəaliyyət göstərməsi dövlət dilimizə hörmətsizlikdir və bizə yaxşı heç nə vəd etmir”.

www.anews.az