Həbsxana rəisi işdən çıxarıldı - YENİLƏNİB

Penitensiar Xidmətin cəzaçəkmə müəssisələrindən birinin rəisi vəzifəsindən azad olunub.

Qaradağ rayonunda yerləşən 13 saylı cəzaçəkmə müəssisəsinin rəisi Azər Hacıyev vəzifədən çıxarılıb və onun yerinə 16 saylı CÇM-in rəisi gətirilib.

13 saylı cəzaçəkmə müəssisəsində adları "siyasi məhuslar" siyahısında çəkilən şəxslər  çəza saxlanıllıb və burada şəraitin qənaətbəxş olmaması barədə hüquqmüdafiəçiləri dəfələrlə məsələ qaldırıblar.  Belə ki, keçmiş səhiyyə naziri Əli İnsanov və beynəlxalq təşkilatların siyasi məhbus saydığı Tofiq Yaqublu, Anar Məmmədli, İlkin Rüstəmzadə, Fərəc Kərimli, Əbdül Əbilov və Pərviz Həşimli bu cəzaçəkmə müəssisəsində həbsdə olub.

Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin atası Asəf Məmmədov bu  cəzaçəkmə müəssisəsində otaqların insan nəfəsi ilə isindiyini deyir. O deyir ki, oğlu ondan tez-tez həbsxanaya qalın, isti paltar göndərməyi xahiş edirmiş.

Müsavat başqanının müavini Tofiq Yaqublunun qızı Nigar Yaqublunun sözlərinə görə isə, cəzaçəkmə müəssisəsində işıq tet-tez sönür, generatorlardan isə qənaətlə istifadə olunduğundan işıq zəif olur.