İmsak və iftar üçün susuzluğu aradan qaldıran faydalı ərzaqlar

Ramazanın gəlişi ilə oruc tutanlar "İmsakda və iftarda nə cür qidalanmalıyıq" suallarına cavab axtarır. Türkiyənin Səhiyyə Nazirliyi Ramazan ayında orqanizmin sağlamlığı üçün faydalı məhsulları açıqlayıb.


Milli.Az Ramazan ayında orqanizmi tox saxlayan və su ehtiyacını qarşılayan faydalı məhsulların adlarını açıqlayıb.


Su


Bədənin sağlam olması üçün ilk növbədə su ehtiyacını qarşılamaq lazımdır. Ramazan ayında uzun müddət susuz qalmaq bəzi xəstəliklərə yol aça bilər. Odur ki, mütəxəssislər imsakda və iftarda maye miqdarı yüksək olan məhsullara daha çox yer verməklə meydana gələ biləcək narahatlıqların qarşısını almağın mümkün olduğunu bildirib. Bu ilki Ramazan ayı əvvəlki illərlə müqayisədə isti havalara təsadüf etməsə də, ac və susuz qalma müddəti uzundur. Odur ki, imsakda və iftarda su çox için.


Kefir


Kefir əsrlərdir su yanğısını yatıran içki məqsədi ilə istifadə edilir. Tərkibindəki faydalı bakteriyalar mədə pozğunluğu və mədə qıcqırmasına yaxşı təsir edir. İmsakda iki stəkan kefir içmək gün ərzində yaranacaq susuzluğun qarşısını alır qaldırır. Kefir südlə müqayisədə daha az bakteriyadan ibarətdir. Qandakı pis xolesterini aşağı salaraq qan təzyiqini tənzimləyir. Beləliklə, ürək damar xəstəliklərinin qarşısını alır. Aparılan araşdırmalarda məlum olub ki, kefir böyrəküstü vəziləri hərəkətə gətirən təsirli vasitədir. Bu sayədə bədənin maye ehtiyatı daim yenilənir.


Mövsüm meyvələri


Vitamin və mineral baxımından zəngin olan gilas, alça, çiyələk və ərik kimi meyvələr bədənin su ehtiyacını qarşılayır və susuzluğu aradan qaldırır. Bu meyvələrdən hazırlanan kompotları soyuq halda içmək orqanizmin günlük su tələbatını artıqlaması ilə ödəyir. Mütəxəssislər, bu meyvələrdən bişirilən kompotları imsakda və iftarda bir kasa içməyi təklif edir.


Dovğa kimi soyuq xörəklər sərinlədici və tox tutmaq xüsusiyyətlərə malikdir. İmsak üçün xüsusilə uyğundur.


Xiyar


Xiyar 96 faiz mayedən ibarətdir. Ən yüksək maye miqdarına malik olan bu tərəvəzdən gündə iki ədəd yemək orqanizmin gündəlik su ehtiyacının 40 faizini ödəyir. Eyni zamanda xiyar C, K və B vitaminləri baxımından zəngindir.


Kabaçki


Xiyardan sonra maye miqdarı yüksək olan qida kabaçkidir. Ancaq bu tərəvəzin faydalarından yararlanmaq üçün qaynadılaraq yeyilməsi lazımdır. Qızardılan kabaçki su miqdarını çox tez itirir.


Pomidor


Pomidorun da maye səviyyəsi yüksəkdir. Ancaq pomidorun tərkibində turş maddələr daxildir. Odur ki, gün ərzində 2-3 ədəd pomidordan çox yemək olmaz. Bundan başqa, pomidor tərkibindəki flavonid maddə sayəsində antioksidant təsiri göstərərək orqanizmi xərçəng hüceyrələrindən qoruyur.


Kahı


Kahı bədəndəki toksinləri təmizləməklə orqanizmin su ehtiyatının tükənməsinin qarşısını alır. Mütəmadi olaraq kahı yemək orqanizmin immunitetini gücləndirərək xəstəliklərə qarşı qalxan yaradır.


Çiyələk


C vitamini baxımından çox zəngin olan çiyələyin tərkibinin 90 faizini su təşkil edir. Ürək və damar xəstəliklərinin qarşısını alır, infeksiyalarla mübarizə aparmağa kömək edir. Sellüloz isə uzun müddət toxluq hissi yaradır.


Qovun


Qovunun da tərkibinin 90 faizini su təşkil edir. Kalium və C vitamini sayəsində qan təzyiqini tənzimləyir, qəbizliyin qarşısını alır və toxluq hissi verir.


Qarpız


Qarpızın 92 faizini su təşkil edir. Beta-karoten, likopen və C vitamini baxımından da olduqca zəngin meyvədir. Tərkibindəki B vitaminləri bədənin enerjisini qorumağa yardım edir. Qan dövranını sürətləndirir və zərərli maddələri damarlardan təmizləyərək xolesterin səviyyəsinin yüksəlməsini əngəlləyir. Ancaq yüksək miqdarda şəkər ehtiva etdiyi də unudulmamalıdır.


Qarpız oruc tutan şəxslər üçün xüsusilə faydalıdır. Qarpız da, qovun da oruc saatlarında orqanizmdə baş verən su və şəkər itkisinin qarşısını alır.


Limon


Limonlu su susuzluğu uzun müddət yatıran təsirli içkidir.


Bibər


Bibər A və C vitamini anbarıdır. Tərkibinin 90 faizini su təşkil edir. Tərkibindəki vitaminlərlə hüceyrələrin sağlam fəaliyyətini təmin edir. (publika.az)

www.anews.az