Bakıda daha bir su borusu partladı - sakinlər susuz qaldı

Bakının Nizami rayonunda su xəttində qəza baş verib.
Bu barədə Anews.az-a "Azərsu" Açıq Səhmdar Cəmiyyətindən məlumat verilib.
Məlumatda bildirilib ki, səhər saatlarında ərazidən keçən 150 mm diametrli xətt partlayıb.
Dərhal hadisə yerinə qəza xidməti cəlb edilib və xəttə suyun verilişi dayandırılıb. Hazırda problem aradan qaldırılır və yaxın vaxtda əraziyə suyun verilişi bərpa ediləcək.
Qeyd edək ki, hadisə nəticəsində ətraf ərazilərə içməli suyun verilişində fasilə yaranıb.

www.anews.az