Bakıda avtobus qəzasında ölən məktəblinin görüntüsü yayıldı - FOTO

3 gün əvvəl Bakı şəhər Binəqədi rayonu Biləcəri qəsəbəsində 91 saylı marşrut xətti üzrə hərəkət edən avtobusun velosipedlə hərəkət edən gənc oğlanı vurub öldürməsi barədə xəbər vermişdik.

Buta.media-nın məlumatına görə, Publika.az xəbər verir ki, hadisə nticəsində vəfat edən 17 yaşlı Samir Elman oğlu Əsədullayev orta məktəbin 11-ci sinif şagirdi olub.

Onun atası Elman Əsədullayev Qarabağ müharibəsi veteranıdır.

Qeyd edək ki, Samir Əsədullayev qəzadan sonra 1 saylı şəhər kliniki xəstəxanasına gətirilsə də, saat 19 radələrində başından aldığı xəsarət nəticəsində vəfat edib.

Faktla bağlı Binəqədi rayon Polis İdarəsində cinayət işi açılıb, araşdırma aparılır.