Azərbaycan vətəndaşları Türkiyədə daha çox daşınmaz əmlak alır

Bu ilin yanvar-may aylarında Azərbaycan vətəndaşları Türkiyədə 466 daşınmaz əmlak obyekti alıblar ki, bu da ötən ilin müvafiq dövrünə nisbətən 134 ədəd çoxdur.

Lent.az Trend-ə istinadən bildirir ki, təkcə 2019-cu ilin may ayında Azərbaycan vətəndaşları Türkiyədə 90 daşınmaz əmlak obyekti alıblar. Bu da 2018-ci ilin may ayına nisbətən 15 ədəd çoxdur.

Obyektlərin daha çox satıldığı yerlərə gəlincə, yanvar-may ayları ərzində İstanbulda 15,8 min, Ankarada 8,2 min, Antaliyada 5 min əmlak satılıb. Qalan 53.2 min obyekt isə Türkiyənin digər şəhərlərinin payına düşür.

Qeyd edək, 2019-cu ilin may ayında Türkiyədə 3,9 min əmlak satılıb, bu da 2018-ci ilin eyni dövrünə nisbətən 62,5 faiz çoxdur.

2019-cu ilin may ayında Türkiyədə əmlak alan digər xaricilərə gəlincə, İraq vətəndaşları 594, İran vətəndaşları 509, Rusiya vətəndaşları isə 285 ədəd daşınmaz əmlak alıblar.


www.anews.az