Fuad Abbasov həbsinin səbəblərini açıqladı - Audio

Səs yazısı F.Abbasova məxsus "Facebook” hesabında yerləşdirilib. 
Yazıda F.Abbasov həbs olunma səbəblərini açıqlayıb. O bildirib ki, həbsinin Rusiyadakı Azərbaycan diasporu ilə heç bir əlaqəsi yoxdur.Jurnalist həbsində əsas səbəb kimi azərbaycanlıların Rusiyada hüquqlarının pozulmasını göstərib.
"Burada məqsəd Rusiyadakı yeganə azərbaycanlının, eyni zamanda, Rusiya kanallarında türkiyəli qardaşlarımızın səsini kəsməkdir”, - jurnalist əlavə edib.
Qeyd edək ki, F.Abbasov miqrasiya qanunvericiliyini pozmaqda təqsirli bilinir. Mayın 28-də onun Azərbaycana deportasiyası nəzərdə tutulsa da, bu, qeyri-müəyyən səbəblərdən təxirə salınıb. İyunun 7-də F.Abbasov aclıq aksiyası elan edib. 
Bundan başqa, iyunun 11-də yaranmış vəziyyəti aydınlaşdırmaq məqsədilə Rusiya Xarici İşlər Nazirliyinə nota təqdim edilib və digər aidiyyəti dövlət qurumlarına məktublar ünvanlanıb.

www.anews.az