Polis tarixdə ilk dəfə əməliyyat keçirdi: taksi şəbəkəsi çökdürüldü, prezidenti təhqir edən sürücü...

Türkiyənin İstanbul şəhərinin Beyoğlu və Fatih səmtində turistləri aldadan fırıldaqçı taksi şəbəkəsinə qarşı əməliyyat keçirilib.

Publika.az xəbər verir ki, fırıldağın qurbanları arasında "Beşiktaş” klubun futbolçusu Pablo Enzo Roko da olub. Futbolçu 6 km məsafə üçün 1000 TL (təxminən, 300 azn) ödəyib.

İstanbul polisi vətəndaşlardan gələn şikayətlərin artmasından sonra taksi şəbəkəsinə qarşı təşkil edilən basqın üzərində 4 ay işləyib. Nəticədə 63 taksi sürücüsü saxta puldan istifadə, fırıldaqçılıq, həqarət, təcavüz, polisə müqavimət kimi ittihamlarla saxlanılıb. 1 taksi sürücüsü isə prezidentə həqarət etməkdən axtarışa verilib. Şəbəkənin 56 yaşlı lideri A.A. da saxlanılan şəxslər arasındadır.

Qeyd edək ki, bu basqın Türkiyədə ilk belə əməliyyatdır.

www.anews.az