Kürəkəninin zorladığı qadın şikayətini geri götürdü - Qızının ailəsini dağıtmaq istəmir

Bir neçə gün əvvəl Quba rayonunun kəndlərinin birində kürəkəni tərəfindən zorlanan qadın şikayətini geri götürüb.
Oxu.Az-ın əldə etdiyi məlumata görə, 1966-cı il təvəllüdlü Tahirə Qasımova (ad və soyadlar şərtidir - red.) hadisədən sonra hüquq mühafizə orqanlarına etdiyi şikayətini sonradan geri çəkib.
Buna səbəb kimi isə qızının ailəsi dağılmasından qorxduğunu göstərib.

Məlumata görə, qadının şikayəti əsasında Cinayət Məcəlləsinin zorlama (149-cu) maddəsi ilə cinayət işi açılıb. Hadisəni törədən şəxs saxlanılıb. Quba rayon Məhkəməsi onun barəsində həbs-qətimkan tədbiri seçib.
T.Qasımova bildirib ki, bu, kürəkəninin ilk belə çirkin əməli deyil. 34 yaşlı kişi bundan öncə də ona qarşı seksual xarakterli hərəkətlər etmək istəyib. 
Faktla bağlı araşdırma aparılır.

www.anews.az