Səhiyyə Nazirliyi adından 3100 manatlıq rüşvət əməliyyatı - ŞİKAYƏT+ FOTOLAR

"Uzun illər Gədəbəy rayon Slavyanka kənd xəstəxanasında ginekoloq işləmişəm. 2016-cı ilin yay ayları idi.  Kurs keçib sertifikat almaq  üçün Bakıya getdim.  Kursda Qara Qaarayevev adına Uşaq Xəstəxanasının əməkdaşı Əzizova Xanımcan Nüsrət qızı ilə tanış oldum. Həmin xanımla söhbət əsnasında 2016-cı ilin sonlarında  yaşla əlaqədar tibbdən uzaqlaşdırılacağımı dedim. Xanımcan xanım bu işi həll edə biləcəyini söylədi. Özünün Səhiyyə Nazirliyində adamı olduğunu, onunla danışıb xəbər edəcəyini söylədi”, – deyə xanım bildirir.

Onun sözlərinə görə, problemlər elə bundan sonra başlayıb.  "Xanımcan xanım mənə zəng etdi ki, Səhiyyə Nazirliyi ilə danışmışam. Sən  müqavilə ilə işləyə bilərsən. Lakin bu işin alınması üçün nazirlikdən pul istəyirlər. Məndən müxtəlif vaxtlarda Səhiyyə Nazirliyi adından  2500, 400, 200 manat (toplam üst-üstə 3100 manat) pul aldı. Mənə bunu dostluq xatirinə etdiyini vurğuladı. Aldığım pulu Səhiyyə Nazirliyindən istəyirlər. Pulu aldıqdan sonra nə iş düzəltdi, nə də pulumuzu geri qaytardı. Müxtəlif  bəhanələrlə  pulu qaytarmaqdan yayınır” , – deyə Almaz xanım əlavə edir.

Almaz Abdullayeva pulunun geri qaytarılması üçün Səhiyyə Nazirliyindən və hüquq-mühafizə orqanlarından kömək istəyir.

 

Səhiyyə Nazirliyinin mətbuat xidmətindən redaksiyamıza bildirdilər ki, adı çəkilən Səhiyyə Nazirliyinin əməkdaşı işdən çıxarılıb və sənədləri korrupsiyaya qarşı mübarizə idarəsinə göndərilib. 

 

Nazirlikdən  qısa zamanda məsələnin detalları barədə əlavə açıqlama verəcəklərini də əlavə etdilər.