Bakının ən bahalı villası bu milyarderə məxsus olacaq: 200 milyon dollarlıq layihə - FOTO

Azərbaycan əsilli Rusiyalı iş adamı, milyorder Fərhad Teymur oğlu Əhmədov Bakıda dəyəri milyonlarla ölçülən villa inşa etdirir.

Sfera.az-ın əldə etdiyi məlumata görə, Bilgəh-Nardaran yolunun üzərində yerləşən dəbdəbəli tikilinin inşaasında böyük memarlar komandası iştirak edir. Təxminən 200 milyon dollar civarında xərc qoyulan tikili özündə Şərq və Qərb memarlıq üslublarını birləşdirir.

Məlumata görə, Fərhad Əhmədov bu tikilinin tarixdə qalması üçün bütün imkanlarını səfərbər edib. Dünyanın 7 möcüzəsinin kompazisiyaları əsasında inşa edilən nəhəng binanın yaxın zamanlarda istifadəyə veriləcəyi gözlənilir.

Xatırladaq ki, Fərhad Əhmədov15 sentyabr 1955-ci ildə Göyçay rayonunda anadan olub. 15 yaşında Moskvaya gələrək qaynaqçı-çilingər ixtisası üzrə texniki peşə məktəbini bitirən həmyerlimiz sonradan təhsilini davam etdirərək Ali İqtisadiyyat Məktəbini bitirib.

1987-ci ildə "Tansley Trading" şirkəti yaradaraq neft-qaz sahəsində işə başlayıb. Fərhad Əhmədov 1989-cu ildə Azərbaycan Beynəlxalq Neft Konsorsiumunun ideoloqu kimi çıxış edərək, bu layihəyə "Amoso Eurasia" və "McDermott" kimi nəhəng şirkətləri cəlb edir.

993-cü ildə "Transley Tradinq"in adı dəyişdirilərək "Farko Qrup" olur. Elə həmin ildən etibarən F.Əhmədov "Nortqaz" şirkətinin Direktorlar şurasının üzvü olur. 1999-2004-cü illər arasında isə şirkətin prezidenti qismində layihəyə bilavasitə rəhbərlik etməyə başlayıb. 2004-cü ilin 9 dekabrında Krasnodar vilayətindən Rusiyanın Federasiya Şurasının üzvü seçildikdən sonra "Nortqaz"ın prezidenti vəzifəsindən könüllü istefa verib.

F. Əhmədov Rusiya parlamentinin milyardçı deputatları arasında 1,4 milyard dollar gəlirlə 7-ci yerdə qərarlaşıb. Ailəlidir, üç uşağı var.


www.anews.az