Xırdalanda mağazadan pul tapa bilməyən oğrular görün nə etdi - VİDEO

Xırdalanda oğurluq olub. Gecə geyim mağazasına girən şəxslər 1000 manat dəyərində paltar və ayaqqabılar oğurlayıblar. Hadisə anı anbaan təhlükəsizlik kamerasına düşüb.

Anews.az  Xəzər TV-yə istinadla xəbər verir ki, əllərində olan dəmir parçası ilə mağazanın qapısını açırlar.

İçəri daxil olan bu iki şəxs əvvəlcə kassada pulun olub-olmadığını yoxlayırlar.

Kadrlar Xırdalan şəhərində lentə alınıb. Şəhərin mərkəzi yolunda yerləşən mağazaların birinə daxil bu iki şəxs sözün əsl mənasında oranı talan ediblər.

Mağaza sahibi Gündüz İsmayılov deyir ki, həmin şəxslər onlara ən azı 1000 manata yaxın ziyan vurublar. Hadisə ilə bağlı Abşeron rayon polis idarəsinə müraciət edilib.

Abşeron rayon polis idarəsindən verilən məlumata görə, hadisə ilə bağlı hazırda araşdırma gedir.
www.anews.az