Ehtiyatda olan baş leytenant prezidentə müraciət etdi

Redaksiyamıza müraciət edən Nicat Hüseynov adlı vətəndaş Azərbaycan Respublikasının Prezidenti İlham Əliyevə məktubunu dərc etməyimizi xahiş edib. 

Anews.az olaraq, onun məktubunu olduğu kimi dərc edirik:

Mən ehtiyatda olan baş leytenant Hüseynov Nicat Bəylər oğlu. Sizin media vasitəsilə Azərbaycan Respublikasının Prezidenti Cənab Ali Baş Komandan İlham Əliyevə müraciət etmək isteyirəm. İnanıram ki, mənim müraciətimi vətəndaş cəmiyyətinin nümayəndələri, xüsusən, Yeni Azərbaycan Partiyasının icra katibliyindən sıravi üzvlərinədək, digər siyasi partiyaların sədrləri və üzvləri, millət vəkilləri, ictimai fikrə təsir edən Ziyalılar, müəlimlər, həkimlər, vəkillər kollegiyasının üzvləri, media nümayəndələri, jurnalistlər, hüquq mühafizə orqanlarının əməkdaşları, hərbiçilər, dövlət qulluqçuları, özəl sektorun inkişafına töhfələr verən nümayəndələr, dövlət və özəl sektorun işçiləri, tələbələr mənə kömək edib, sosial media vasitəsilə paylaşacaqlar.

Möhtərəm president, cənab ali baş komandan İlham Əliyev!

Sizin sərancamınızla yaradılmış Kiçik və Orta Biznesin İnkişafi Agentliyinin məqsədi kiçik və orta sahibkarlıgın inkişafına dövlət dəstəyinin gücləndirilməsi və əsasıdır. Mən Sizin xüsusi diqqətiniz və dəstəyiniz sayəsində Sahibkarlığın İnkişafı Fondu tərəfindən ayrılan güzəştli kreditlər hesabına öz biznes imkanlarını genişləndirən, Sizin etimadınızı doğruldan, qeyri-neft sektorunun inkişafına töhfələr verən 36000 sahibkardan xahiş edirəm ki, mənə birinci qrup əlil olaraq, sosial həyata inteqrasiyam üçün 1, 5, 10, 20 AZN ianə hesabına köçürmə əməliyyatı yolu ilə mənə köməklik edərək, maddi və mənəvi cəhətdən dəstək olsunlar.

Bu məsələni reallaşdırmaq üçün, Azərbaycan Respublikasının Birinci vitse-prezidenti Mehriban xanım Əliyeva, Azərbaycan respublikasının prezidentinin İqtisadi Siyasət və Sənaye məsələləri üzrə köməkçisi Natiq Əmirov, İqtisadiyyat Naziri Şahin Mustafayev, Maliyyə Naziri Samir Şərifov, Vergilər Naziri Mikayıl Cabbarov, Əmək və Əhalinin Sosial Müdafiəsi Nazirliyi Sahil Babayev, Mərkəzi bankın idarə heyətinin sədri Elman Rüstəmov, Dövlət Neft Fondunun icraçı direktoru Şahmar Mövsümov və Heydər Əliyev Fondunun icraçı direktoru Anar Ələkbərov və RİİB sədri Cəmil Əliyev kömək edəcəklər.




www.anews.az