Mitinqdə fəallıq göstərən tanınmış polislər – VİDEO

19 oktyabrda Bakının mərkəzinə keçirilən aksiyasında fəallıq nümayiş etdirən polis əməkdaşları ilə bağlı sosial mediada məlumatlar yayılıb. Həmin məlumatlar sosial şəbəkələrdə müzakirələrə səbəb olub.

Bizimyol.info xəbər verir ki, asayişin qorunmasında fəallıq göstərən həmin polis əməkdaşları arasında tanınmış şəxslərin ailə üzvləri də var.
Onlardan biri bəstəkar Vaqif Gərayzadənin qardaşı oğlu, ləğv edilmiş Milli Təhlükəsizlik Nazirliyinin əməkdaşı Azər Gərayzadənin oğlu, polis baş-leytenantı İrfan Gərayzadədir.
Aksiyada fəallıq göstərən digər polis əməkdaşı da "Azərbaycan bayrağı" ordeni ilə təltif edilmiş, DİN-nin daxili nəzarət idarəsinin rəhbəri general-mayor Sahib Mirzəyevin oğlu Zaur Mirzəyevdir.
"3-cü mikrorayon” bazarının rəhbəri Şahin Əliyevin oğlu, Xətai RPİ mayoru Valeh Əliyev həmin polislərin sırasında olub.
İmişli rayon Polis Bölməsinin rəisinin oğlu, polis əməkdaşı Tural Şixəliyev də asayişin qorunmasında fəallıq göstərib.

www.anews.az