Oqtay Gülalıyevin vəziyyəti necədir?

Türkiyədə müalicə alan hüquq müdafiəçisi Oqtay Gülalıyevin səhhətində irəliləyiş yoxdur. 

"Qafqazinfo” xəbər verir ki, bu barədə məlumatı onun oğlu Təbriz Gülalıyev yayıb. 

T. Gülalıyev qeyd edib ki, atasının vəziyyətinin müsbət yöndə dəyişməsi haqda yayılan məlumatlar həqiqəti əks etdirmir: "Gönül istərdi ki, bu paylaşımlar həqiqət olsun. Amma bütün yazılanlar, deyilənlər yanlışdır. Həkimin bildirdiyinə görə, komadan nə zaman ayılacağı, qalacaq fəsadlar bilinmir. Həmçinin atamın qanında və ağciyərində infeksiya əmələ gəlib. Bunların qarşısını almaq üçün müalicə edirlər”.