Bu gündən qatarda sürət artır - 3 saat 45 dəqiqəyə Gəncəyə - CƏDVƏL

Bu gündən Bakı-Gəncə istiqamətində qatarların hərəkət sürəti artırılıb.
BAKU.WS xəbər verir ki, bu səbəbdən noyabrın 24-dən Bakı-Gəncə-Bakı sürətli sərnişin qatarının hərəkət cədvəli dəyişdiriləcək. Qatarların Bakıdan və Gəncədən yola düşmə vaxtı isə olduğu kimi saxlanılacaq.
Yeni qrafikdə qatarın yolda olma müddəti 4 saat 15 dəqiqədən 3 saat 45 dəqiqəyə enəcək. Bununla da, sərnişinlər mənzil başına 30 dəqiqə tez çatdırılacaq.
Qeyd edək ki, qatarın sürətinin 135 km/saata qaldırılması yolda olma müddətini də qısaldıb. Buna nail olmaq üçün Bakı-Böyük Kəsik istiqamətində əsaslı təmir və yenidənqurma işləri aparılıb.
Yol təsərrüfatı və işarəvermə qurğuları ən müasir tələblərə uyğun işlənməsi, yol yatağının dəyişdirilməsi, elektrik təchizatı sahəsində təmas şəbəkəsinin yenilənməsi və müasirləşdirilməsi qatarların sürətinin artırılmasına şərait yaradıb.
Sürət həddinin artması ilə əlaqədar olaraq, "Azərbaycan Dəmir Yolları” QSC vətəndaşlardan təhlükəsizlik qaydalarına daha ciddi riayət etmələrini, yolu yalnız müəyyən olunmuş yerlərdən keçmələrini xahiş edir.

Q. № 702 Bakı-Gəncə			Sürətli sərnişin			Q. № 701 Gəncə - Bakı
Yolda olma vaxtı: 3 saat. 45 dəq			24.11.2019-cu il tarixdən etibarən			Yolda olma vaxtı: 3 saat. 45 dəq
Çatma	Daya-nacaq	Yola düşmə	Aralıq məntəqələr	Məsafə	kod	Çatma	Daya-nacaq	Yola düşmə
-	-	8-45	Bakı-sərn.	0	5700000	20-45	-	-
-	-	8-54	Keşlə	6	547001	-	-	20-35
9-00	2	9-02	Biləcəri	14	546808	20-24	2	20-26
-	-	9-11	Abşeron	26	548004	-	-	20-14
-	-	9-16	Puta	33	548108	-	-	20-10
-	-	9-22	Qaradağ	45	548004	-	-	20-04
-	-	9-30	Səngəçal	60	548305	-	-	19-57
-	-	9-35	Qobustan	69	548409	-	-	19-51
-	-	9-42	Baş Ələt	83	548502	-	-	19-44
-	-	9-50	Atbulaq	96	548907	-	-	19-37
-	-	10-01	Pirsaat	116	549100	-	-	19-26
-	-	10-08	Hacıqabul	127	554202	-	-	19-19
-	-	10-15	Muğan	139	554306	-	-	19-13
-	-	10-23	Qarasu	153	554310	-	-	19-04
-	-	10-31	Padar	165	554325	-	-	18-57
-	-	10-39	Sığırlı	178	554336	-	-	18-48
-	-	10-53	Kürdəmir	203	554607	-	-	18-34
-	-	11-07	Müsüslü	223	554700	-	-	18-22
-	-	11-21	Ucar	249	554908	-	-	18-05
-	-	11-32	Ləki	269	555008	-	-	17-55
11-46	2	11-48	Yevlax	294	555101	17-40	2	17-42
-	-	11-53	Mingəçevir	305	555703	-	-	17-32
12-02	2	12-04	Goran	319	555900	17-24	2	17-26
-	-	12-10	Kürək-çay	329	557605	-	-	17-18
-	-	12-17	Dəliməmmədli	344	556000	-	-	17-10
-	-	12-21	Zazalı	349	556104	-	-	17-07
12-30	-	-	Gəncə	364	556208	-	-	17.00

www.anews.az