Azərbaycanda bəzi kişilər öz arvadlarını bu hərəkəti etməyə məcbur edir - Rəsmi AÇIQLAMA

Bu il ərzində gömrük orqanları tərəfindən daxili orqanlarında narkotik keçirmə ilə bağlı 108 fakt aşkarlanıb. Modern.az xəbər verir ki, bunu Dövlət Gömrük Komitəsinin (DGK) Əməliyyat-İstintaq Baş İdarəsi rəisinin birinci müavini Güloğlan Muradlı bildirib.

DGK rəsmisi qeyd edib ki, ötən il bu rəqəm 87 olub:

"Bu işdə həm qadınlar, həm də kişilərin iştirakı var. Son illər belə qadınların sayı ümumilikdə 14%-ə çatıb.

2018-ci il ərzində Azərbaycanda qadınlar arasında 87 halda daxili bədən boşluqlarında narkotiklərin keçirilməsi faktı qeydə alınıb. Hətta bəzi kişilər öz qadınlarını, həyat yoldaşlarını, ana və bacılarını, uşaqlarını bu işə cəlb edirlər. Təbii ki, qadınları bu yola məcbur edirlər".

Güloğlan Muradlı həmçinin bildirib ki, bu ilin 11 ayı ərzində narkotik qaçaqmalçılığı ilə bağlı 350 fakt qeydə alınıb:

"Ötən il bu rəqəm 264 olub.  Ümumilikdə bu ilin 11 ayında qeydə alınan faktlar müstəqillik illərindən bəri rekord göstəricidir, hansı ki, həyəcan təbili çalmağı tələb edir".

O həmçinin qeyd edib ki, narkotacirlər işğal altında olan Qarabağ ərazilərindən narkotik vasitələrin Avropaya daşınmasında istifadə edirlər.
www.anews.az