“Mənzil bazarında kəskin qiymət artımı olacaq” – Səbəblər açıqlandı - VİDEO

Anews.az "turkustan.info”ya istinadən xəbər verir ki, ənənəvi olaraq Azərbaycan xalqında daşınmaz əmlaka həm etibarlı, qalıcı sərvət kimi baxılır, həm də, gələcək nəsilə ötürülən dəyərli hədiyyə, miras sayılır. Bu mənada mənzil bazarında qiymət dəyişiklikləri toplumda narahatlıqla izlənilən mövzudur.
Əmlak Ekspert Mərkəzinin direktoru Ramil Osmanlının sözlərinə görə qiymət artımını şərtləndirən bir sıra amillər var: ” Son 1 ildə mənzil tikintisi sahəsində qəbul olunan qərarlar, şəhərsalma və infrastruktur layihələri ilə bağlı ölkə rəhbərliyinin tapşırıq və tövsiyələri, əhalinin mənzil-məişət şəratinin yaxşılaşdırılması istiqamətində həyata keçirilən sosial layihələr, yaşayış sahəsinə tələbatın yüksək olması, turist axını və məskunlaşma ilə bağlı olan demoqrafik amillər…”.

Bunlardan 1-cisi Şəhərin mərkəzində "İçərişəhər” metrosu və yaxın ərazilərdə 2-3 mərtəbəli tarixi binaların qorunması, onların yerində yeni hündürmərtəbəli binaların tikintisinin yolverilməzliyi, digəri isə tikinti standartları ilə bağlı kafisentlərin aşağı salınması və bunlara əməl olunması məsələsidir.
İmkanlı turistlər içərisində Bakıda, xüsusən mərkəz yerlərdə mülk sahibi olmaq niyyətləri və örnəkləri var.
Qeyd edilənlərdən belə nəticəyə gəlmək olar ki, paytaxtda, xüsusilə mərkəzdə növbəti ildən mənzillərin qiymətinin artımı qaçılmazdır”.

www.anews.az