Azərbaycanda ağır qəza: Dörd polis yaralandı

Yanvarın 29-da saat 23 radələrində Saatlı şəhərində ağır yol qəzası baş verib.

Publika.az xəbər verir ki, M.F.Axundov küçəsində Bakı şəhər sakini Cavid Bağırov idarə etdiyi "Jeep-Wrangler” markalı avtomobili qarşıda gedən Saatlı RPŞ-yə məxsus xidməti "Fiat-Doblo” markalı avtomobilə arxadan vurub.

Nəticədə xidməti avtomobildə olan 4 nəfər polis əməkdaşı müxtəlif dərəcəli bədən xəsarətləri ilə DİN-in A.Heydərov adına hospitalına yerləşdiriliblər.