Koronavirusa yoluxan körpənin duyğulandıran görüntüləri - VİDEO

Çində atasını görmək istəyən virus daşıyıcısı körpənin videosu izləyənlərə duyğulu anlar yaşadıb.

Yeniavaz.com xarici KİV-ə istinadla xəbər verir ki, Çindəki xəstəxanalardan birində çəkilən körpənin görüntüləri gündəm olub.

 

Koronavirusa yoluxduğu üçün karantinə alınan körpə şüşə maneə arxasından atasını görərkən sevinməyə başlayır.

Bir müddət bir-birinə baxdıqdan sonra körpə gülümsəyərək atasından onu qucaqlamasını istəyir.

 

Atası isə ona yaxınlaşa bilmədiyi üçün ağlamağa başlayıb.

 

Həmin görüntülər qısa müddətdə sosial şəbəkələrdə ən çox izlənən videolar sırasına daxil olub.