Məhkəmə "Bakı Metropoliteni" QSC-nin iddiasını təmin etdi - Bu saytlar cərimələndi

Sabunçu rayon Məhkəməsi "Bakı Metropoliteni" QSC-nin pressinfo.az, araz.az saytları ilə bağlı iddia ərizəsinə baxıb.

Publika.az xəbər verir ki, Məhkəmə "Bakı Metropoliteni” QSC barəsində həqiqətə uyğun olmayan məlumatların yayımına görə pressinfo.az saytının baş redaktoru Əhmədova Nüşabə Bəyoğlan qızının yazılı şəkildə həmin internet saytında yerləşdirilməklə üzr istəməsi və rəhbərlik etdiyi saytda yerləşdirdiyi bütün materialları "Təkzib” başlığı altında yerləşdirməsinə qərar verib.

Bundan başqa araz.az saytının təsisçisi və baş redaktoru Mustafayev Hüseyn Əziz oğlunun da "Bakı Metropoliteni" QSC-dən yazılı şəkildə həmin internet saytında yerləşdirilməklə üzr istənilməsi və saytında yerləşdirdiyi həqiqətə uyğun olmayan yazının linkində "Təkzib” başlığı altında yerləşdirilməsinə qərar verilib.