Bərdədə ağır qəza: Ölən və yaralananlar var

Bərdə rayonunda ağır yol-nəqliyyat hadisəsi baş verib.

Report-un məlumatına görə, hadisə rayonun Alpout kəndi ərazisində qeydə alınıb. 

Belə ki, rayon sakini Rizvan Məmmədov idarə etdiyi "VAZ-2107” avtomobillə hərəkətdə olan zaman "VAZ-2106” markalı avtomobillə toqquşub. 

Nəticədə "07”də olan rayonun Məmmədli kənd sakini Adilə Əzizova aldığı xəsarətlərdən hadisə yerində ölüb. Hər iki avtomobilin sürücüləri müxtəlif dərəcəli bədən xəsarətləri alıblar. Yaralılar təcili yardım avtomobilləri ilə xəstəxanaya çatdırılıb.