Nazirlik sahibkarlara müraciət etdi

Biz sahibkarlara yeni inşa etdikləri binaların həyətində yaşıllıq salmaları üçün ağaclar verməyə də hazırıq".


"Report" xəbər verir ki, bunu Ekologiya və Təbii Sərvətlər Nazirliyinin Dövlət Ekspertiza İdarəsinin rəisi Mirsalam Qəmbərov deyib.


Onun sözlərinə görə, bütün ekoloji layihələrə yalnız ictimai dinləmələrdən, maraqlı tərəflərlə müzakirələrdən sonra rəy verilir: "Nazirlik sahibkarları da başa düşür və onların işlərinin gecikməsinin tərəfdarı deyil. Çünki nəticədə köhnə binalar yeniləri ilə əvəzlənir, şəhərimiz daha da gözəlləşir. Lakin bu məsələdə fərdi deyil, kompleks yanaşma olmalıdır".


İdarə rəisi bildirib ki, bəzən göndərilən layihələrdə sahibkarlar tikinti aparmaq istədikləri ərazidə yaşıllığın olduğunu gizlədir: "Belə hal aşkar etdikdə həmin layihəyə imtina verilir. Nazirlik olaraq ağacların, yaşıllıqların mühafizəsi bizim üçün əsasdır".


M.Qəmbərov xatırladıb ki, təqdim olunan pilot layihələr zamanı bəzi ağaclar tikinti altına düşdüyündən onların bir qisminin köçürülməsinə, köçürülməsi mümkün olmayanların isə götürülməsi məsələlərinə baxılır və yekun rəy qəbul edilərkən tikinti üçün ayrılmış ərazinin 25 faizində yaşıllıq salınmasına dair icraçı qarşısında tələb qoyulur.


O həmçinin vurğulayıb ki, növbəti ictimai dinləmədə yerin təkindən faydalı qazıntıların çıxarılması ilə bağlı təqdim olunan layihələr də müzakirəyə çıxarılacaq. 

www.anews.az