DVC-nin nümayəndəsi Azərbaycanın bölgələrində - FOTO

DVC-nin Azərbaycanın müxtəlif regionlarından olan gənclərin fəallaşdırılması və əməkdaşlığının gücləndirilməsi istiqamətində fəaliyyəti davam edir. Bu istiqamətdə təşkilatın Regionlarla İş Üzrə Meneceri Canoğlan İlyasov Zərdab, Tərtər, Balakən, Goranboy rayonları və Yevlax, Mingəçevir, Şəmkir şəhərlərində işgüzar səfərdə olub.Səfər zamanı DVC-nin nümayəndəsi sözü gedən bölgələrin Gənclər və İdman İdarələrinin rəsmiləri, yerli gənclər təşkilatları və fəal gəncləri ilə bir sıra görüşlər keçirib, burada yerləşən Gənclər Evləri və Gənclər Mərkəzlərində gənclər üçün yaradılan imkanlarla tanış olub.Şəmkir və Mingəçevir şəhərlərinə səfər zamanı, bu şəhərlərdə yerləşən Debat Mərkəzlərinin rəhbərləri və fəal gəncləri ilə görüş keçirilib. Debat Mərkəzlərində son aylarda həyata keçirilən fəaliyyətlə tanış olunub, gələcək fəaliyyət planı ilə bağlı müzakirələr aparılıb və yerli fəal gənclərlə görüşlər zamanı onların təklifləri dinlənilib.Zərdab, Tərtər, Balakən, Goranboy rayonları və Yevlax şəhərinə səfər zamanı yerli Gənclər və İdman İdarələrinin rəyisləri ilə görüşlər keçirilib. Görüşlərdə DVC-nin təqdimatı keçirilib və təşkilatın bugünə qədər Azərbaycanın bölgələrində fəaliyyəti ilə bağlı məlumat verilib. Görüşlərdə bu bölgələrdə Debat Mərkəzlərinin yaradılması əsas müzakirə mövzusu olub və yerli Gənclər və İdman İdarələrinin dəstəyi ilə yaxın zamanlarda Zərdab, Tərtər, Balakən rayonları və Yevlax şəhərində Debat Mərkəzlərinin açılması planlaşdırılıb.Məlumat üçün qeyd edək ki, növbəti ayda DVC-nin nümayəndəsinin Azərbaycanın daha 4 bölgəsinə - Quba, Qusar, Sabirabad, Lənkərana səfəri planlaşdırılır.Xatırladaq ki, hal-hazırda Bakı, Sumqayıt, Lənkəran, Sabirabad, Quba, Qusar, İsmayıllı, Şəki, Mingəçevir, Şəmkir və Gəncədə Debat Mərkəzləri fəaliyyət göstərir. Debat Mərkəzləri gənclərin fəallığının artırılması, onların təşəbbüslərinin dəstəklənməssi, müxtəlif proqram və layihələrdə iştirakının təmin olunması məqsədi daşıyır. Debat Mərkəzlərində mütəmadi olaraq gənclərə debat, natiqlik, karyera inkişafı, sahibkarlıq və başqa mövzularda təlimlər keçirilir.ANN.Az