Avtoxuliqanlıq edən dörd nəfər saxlanıldı - 30 sutka cəza - VİDEO

İki gün əvvəl Bakının Dağüstü park ərazisi yaxınlığında bir neçə sürücünün avtoxuliqanlıq etdiyinə dair sosial şəbəkədə məlumatlar yayılıb.

Vətəndaşların müraciəti əsasında ərazidə gücləndirilmiş iş rejiminə keçən Bakı şəhər Baş Polis İdarəsinin Dövlət Yol Polisi İdarəsinin əməkdaşları tərəfindən 4 nəfər saxlanılıb.

Bu barədə Bakı şəhər Baş Polis İdarəsinin Dövlət Yol Polisi İdarəsinin bölmə rəisi, polis polkovniki Vaqif Əsədov məlumat verib.

O bildirib ki, vətəndaşların şikayəti əsasında sözügedən ərazidə xidmət aparan yol polisi əməkdaşları tərəfindən fakt təsdiqini tapıb:

"Məlum olub ki, axşam saatlarında Dağüstü park ərazisində sürücülər avtoxuliqanlıq ediblər. Yol hərəkətini kobud şəkildə pozaraq, avtoxuliqanlıq edən 4 nəfər şəxs müəyyən edilərək saxlanılıb. Onlar barəsində aidiyyəti üzrə 30 sutkaya qədər həbs qərarı verilib. Hazırda həmin şəxslər cəzalarını çəkirlər”.

www.anews.az