Bakıda internetin kəsilməsinin səbəbi bilindi - YENİLƏNİB

Milli kommunikasiya operatoru olan Delta Telekom-da texniki problem yarandığı üçün  Bakı və ətraf rayonlarda internetin verilməsində problem yaranıb, bu barədə Anews.az-a internet provayderlərindən birindən etibarlı mənbə məlumat verib.

 

Məlumatı Bakı şəhərini internetlətəmin edən digər iki iri provayder şirkəti də təsdiqləyib.

 

Problem qismən aradan qaldırıldığından internetin verilməsinə başlanılıb.

 

Gün ərzində problemin tam aradan qaldırılacağı bildirilir.

 

Azərbaycan Respublikası Nəqliyyat, Rabitə və Yüksək Texnologiyalar Nazirliyinin mətbuat xidmətinin rəhbəri Günel Gözəlova  bildirir ki, ölkədə  internet problemi yoxdur və interneti davamlı etmək üçün güdəlik profilaktik işlər həyata keçirilir. 

 

"Karantin dövründə nəzərə alsaq ki, çox insan evindədir, şirkətlər onlayn fəaliyyət göstərir, dərslər onlayn qaydada keçirilir və hətta mediada da televiziyalar müvafiq proqramlardan istifadə etməklə dünyanın bir çox ölkələri ilə əlaqə saxlayırlar, bu zaman geniş zolaqlı şəbəkədə artımın müşahidə olunması normaldır. Biz də nazirlik olaraq bunu müşahidə edirik. Məhz bu səbəbdən mütəxəssislər istifadəçilərin fasiləsiz və sürətli internetə çıxışını təmin etmək məqsədi ilə, demək olar ki, şəbəkənin təkmilləşdirilməsi istiqamətində gündəlik profilaktik tətdirlər həyata keçirirlər”, - deyə o, vurğulayıb.