Bu il 569 nəfər "jurfak" uğrunda mübarizə aparacaq

Bu il Tələbə Qəbulu üzrə Dövlət Komissiyası (TQDK) jurnalistika ixtisası üzrə qəbulda qabiliyyət imtahanları tətbiq edib. Modern.az saytı xəbər verir ki, qəbul imtahanı verən abituriyentlər əvvəlcədən jurnalistika ixtisasını seçirlər və imtahanın nəticəsi məlum olduqdan sonra jurnalistika  üzrə müəyyən olunan mövzular üzrə yazı yazırlar. Qabiliyyət imtahanından uğurla keçə bilməyən abituriyentlər bu ixtisasda təhsil ala  bilməzlər.

TQDK-nın mətbuat katibi Elnur Nağızadə Modern.az-a bildirib ki, bu il jurnalistika ixtisası  üzrə 569 abituriyent qeydiyyatdan keçib.