TƏBİB-dən toylarla bağlı növbəti - VACİB AÇIQLAMA

Ancaq bu gün bir sıra yerli saytlar toyların keçirilməsi ilə bağlı xəbərə  TƏBİB mətbuat xidmətinin rəhbəri Rəvanə Əliyevadan münasibət almaq təşəbbüsü ilə çıxış edib və sözçünün adından Ramil Bayramlı tərəfindən belə bir açıqlamanın verilmədiyini  yazıblar. 

 

Ramil Bayramlının əlimizdə açıqlamasının olduğunu nəzərə alaraq xəbər müəllifi kimi  TƏBİB-in mətbuat katibi Rəvanə Əliyeva ilə əlaqə saxladıq

 

Bəlli oldu ki, Rəvanə Əliyevanın təkzibi kimi qələmə verilən xəbərin özünün təkzibə ehtiyacı var. 

Rəvanə Əliyeva bildirdi ki, "mən saytlara dünən brifinq zamanı belə bir sual verilmədiyini və brifinq gedişində belə açıqlama olmadığını söyləmişəm. Jurnalistin brifinq sonrası verdiyi sualdan xəbərsiz olmuşam. TƏBİB sədri Ramin Bayramlı ilə məsələni yenidən dəqiqləşdirdim. Onun sözlərinə görə, jurnalistin sualına cavab olaraq bildirib ki, yoluxma hallarının sayında azalma olarsa və karantin qaydalarında yumşalma olarsa bu məsələyə sentyabr ayında  baxıla bilər. Yox əgər artım olacaqsa toyların sentyabr ayında baxılması da  mümkün olmayacaq”, – deyə o, qeyd edib.

 

Bizim dünən yayımladığımız açıqlamada da sitat eynilə belə ifadə edilib. 

 

İndi xəbəri yazmaqda məqsədimiz həmkarlarımızın TƏBİB sözçüsünün  fikrini təhrif etdklərini ictimaiyyətə çatdırmaq deyil. Ən azı bunu  xanım Əliyeva özü edə bilər. Məqsədimiz toy və digər şənliklər təşkil etmək istəyən vətəndaşlarımıza planlarını qurmalarında yardımçı olmaq, məsul şəxsin bəyanatını onlara düzgün şəkildə, təhrifsiz çatdırmaqdır.