İki əmədaşı koronavirusa yoluxan ATV-də son vəziyyət

"Koronavirusa yoluxmuş əməkdaşlarımızla təmasda olan bütün işçilərdən test üçün yaxma götürüləcək".

Bu sözləri redaktor.az-a açıqlamasında "Azad Azərbaycan” (ATV) televiziysının icraçı direktoru İsmayıl Həsənov bildirib.

"İki əməkdaşımızın koronavirusla bağlı testi pozitiv çıxdığı üçün, onlarla ünsiyyətdə olan əməkdaşlardan da testdən keçəcək. Digər əməkdaşlarımız hazırda iş başındadılar, heç kəs karantinə alınmayıb” deyə İsmayıl Həsənov bildirib.

İcraçı direktor virus şübhəsi ilə xəstəxanaya aparılan əməkdaşların səhhətinin stabil olduğunu bildirib:

"Hər iki əməkdaşımızla mütamadi olaraq əlaqə saxlayırıq, səhhətləri yaxşıdır”.

Qeyd edək ki, ATV-nin Xəbərlər Departamentinin əməkdaşları Mahmud Rövşənoğlu və Heydər Məmmədov koronavirusa yoluxub.



www.anews.az