ATV-nin eks-prezidentinin sərvəti açıqlandı

“Avesta Concern”nin rəhbəri, tanınmış iş adamı Hacı İbrahim İbrahimov (Nehrəmli) qardaşı, “Azad Azərbaycan” Müstəqil Teleradio Şirkətinin (ATV) sabiq prezidenti Tağı İbrahimovun Novxanıda yerləşən və dəyəri 4,5 milyon manat qiymətləndirilən villasını satması barədə yayılan xəbərlərə münasibət bildirib.ANN.Az-ın məlumatına görə, Hacı İbrahim Nehrəmli Publika.az-a açıqlamasında deyib ki, qardaşı öz işini yaxşı bilir:“Tağı ağıllı adamdır, villasını satıb, başqa nə isə alıb. Çünki Tağı Azərbaycanda yaşamır, o, Türkiyədə yaşayır. Villanı satmaq o demək deyil ki, adam bankrotdur. Maşallah olsun ki, Tağının 100 milyon pulu var. Bu gün Tağı Azərbaycanda ən varlı adamlardan biridir. Onun bankrot olması mümkün deyil. Mən varlı adam deyiləm. Mənim pulum-zadım yoxdur. Ancaq Tağı varlı adamdır. Tağı varlı adamların sırasındadır. Odur ki, onun bankrot olması qeyri-mümkündür”.Xatırladaq ki, Axar.az-ın yaydığı məlumata görə, Diasporla iş üzrə Dövlət Komitəsinin sədri Nazim İbrahimovun qardaşı, ATV-nin keçmiş rəhbəri Tağı İbrahimov villasını satıb.Novxanıda yerləşən və dəyəri 4,5 milyon manat qiymətləndirilən villanın bir müddət öncə alqı-satqı müqaviləsinin imzalandığı bildirilir. Villanı tanınmış şəxslərdən birinin aldığı deyilsə də, yeni sahibin kimliyinə aydınlıq gətirilmir.ANN.Az