Bu gün buraxılış imtahanları keçiriləcək
10.06.2020 09:48
Bu gün Dövlət İmtahan Mərkəzi (DİM) tərəfindən ümumi (9 illik) və tam (11 illik) orta təhsil səviyyəsi üzrə buraxılış (qəbul) imtahanları keçiriləcək.
İyunun 10-da keçiriləcək imtahanlarda 25 597, iyunun 11-də keçiriləcək imtahanlarda isə 17 021 nəfər olmaqla, 42 618 şagirdin (abituriyentin) iştirakı nəzərdə tutulur.
www.anews.az
DİM-dən verilən məlumata görə, imtahanlar saat 11:00-da başlanır.
İmtahanların başlanılmasına 15 dəqiqə qalmış saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.
Qeyd edək ki, kütləviliyin və təmas hallarının qarşısının alınması məqsədilə iştirakçılar üçün imtahan binasına müxtəlif daxilolma vaxtları müəyyən edilib.
İmtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.
Xatırladaq ki, imtahanların keçirilməsi üçün 39 şəhər və rayonda 197 bina, 3 284 zal ayrılıb. İmtahanların idarə olunmasına 197 ümumi rəhbər, 538 rəhbər, 4 266 nəzarətçi-müəllim, 393 buraxılışı təşkil edən əməkdaş, 197 bina nümayəndəsi ayrılıb.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
