“Bakı Metropoliteni” işçi qəbulu elan edib

“Bakı Metropoliteni” QSC Hərəkət Xidmətinə Baş xəzinədar, Xəzinədar və Avtomatik buraxılış məntəqələrinin nəzarətçisi peşələri üzrə işə qəbul elan edib. “APA-Economics”in xəbərinə görə, bu, qurumun İctimaiyyətlə əlaqələr şöbəsinin yaydığı məlumatda bildirilir. Belə ki, qeyd edilən vəzifələrə tələblər aşağıdakılardan ibarətdir: 25-45 yaşlarında, orta təhsil və ya orta ixtisas və ali təhsili olanlara üstünlük verilir (İqtisadi sahələr üzrə), Azərbaycan dili (əla), rus dili bilənlərə üstünlük verilir. İş yeri Bakı şəhərindədir. Qeyd edək ki, 12 saatlıq iş qrafiki tətbiq olunur. İşçi əmək fəaliyyətinə səhər saat 08:00-da başlayır və uyğun olaraq axşam saat 20:00-da işini bitirir. O biri gün isə axşam saat 20:00-dan başlayır səhər saat 08:00-da işini bitirir. Növbəti iki gün istirahət günüdür. İşçilərin aylıq orta əmək haqqı 250 manat təşkil edir. Lakin gecə və gündüz növbələrindən asılı olaraq əmək haqqı daha çox ola bilər. Məlumat anketlərinizi [email protected]/* */ e-mail ünvanına göndərə bilərsiniz. Məlumat anketlərinizi göndərərkən mövzu yerinə peşənin adını, əvvəlki iş yerlərinizdəki iş öhdəliklərinizi ətraflı qeyd edin və Azərbaycan dilində göndərin.ANN.Az