Koronavirusdan ölən Xalq artistinin dəfnində 30-dan çox insan iştirak edib? – RƏSMİ AÇIQLAMA – FOTO

Koronavirusdan dünyasını dəyişmiş Xalq artisti, Prezident təqaüdçüsü Teymur Mustafayevin dəfn olunması ilə bağlı məlumat vermişdik.

 

Lakin sözügedən dəfndə çəkildiyi iddia edilən foto KİV-də yayılıb və mərasimdə xeyli sayda (fotoda 30 nəfər olduğu görünür) insanın iştirak etdiyi müşahidə olunub. Bu da koronavirusun yayılma ehtimalını artırdığı üçün rəsmi şəkildə qadağan olunub.

Məsələ ilə bağlı açıqlama verən TƏBİB-in mətbuat katibi Rəvanə Əliyeva bildirdi ki, bu sırf vətəndaş məsuliyyətindən asılıdır və buna TƏBİB nəzarət etmir:

"Mən görmüşəm o fotonu. Meyit morqdan veriləndə, biz tərəfdən yox, tibbi-ekspertiza anatomiya birliyi tərəfindən, onlara izah olunur ki, nə şəkildə dəfn olunmalıdır. Çünki TƏBİB-in tibb işçiləri üçün rəhbərliyi var.

 

Daha az sayda adam getməlidir, dəfndə yalnız onlar iştirak etməlidir, ondan sonra qayıdılmalıdır evə. Əgər həqiqətən də o foto o dəfn mərasimindən çəkilibsə, insanların o şəkildə yığışması sırf vətəndaş məsuliyyətinə aid olan bir şeydir və buna TƏBİB nəzarət etmir. İcra hakimiyyəti orqanları nəzarət edir”.(yeniavaz.com)