Cavad Heyət vəfat etməyib - YENİLƏNİB

Cavad Heyətin ölüm xəbəri yalan çıxdıProfessor Mərkəzi Gömrük Hospitalına yerləşdirilibMəşhur azərbaycanlı cərrah, professor Cavad Heyət dünyasını dəyişməyib.Bu barədə ANS PRESS-ə alimin tələbəsi Pərvanə Məmmədli məlumat verib. O, bildirib ki, mətbuatda C. Heyətin ölümü ilə bağlı yayılan xəbərlərlə əlaqədar professorun qızı ilə əlaqə saxlayıb. Cərrahın qızı isə atasının dünyasını dəyişmədiyini və hazırda Bakıdakı Gömrük Hospitalında reanimasiyaya yerləşdirildiyini deyibMərkəzi Gömrük Hospitalının reanimasiya şöbəsinin baş həkimi ANS PRESS-ə açıqlamasında Cavad Heyətin vəziyyətinin stabil ağır olduğunu bildirib: “O, xəstəxanaya ürəyində olan problemə görə gətirilib. Onun vəziyyəti ağırdır. Heç bir dəyişiklik yoxdur”.ANN.Az

09:18

Heyət ötən ay Tehrandan Bakıya gəlib və burda səhhəti pisləşib

Məşhur azərbaycanlı cərrah, professor Cavad Heyət vəfat edib. “Azadlıq.info” xəbər verir ki, ötən həftə Bakıda Mərkəzi Klinik Xəstəxananın reanimasiya şöbəsinə yerləşdirilən Heyətin vəziyyəti ağırlaşdığından o, Gömrük Hospitalına köçürülmüşdü.C.Heyət Tehrandan Bakıya ötən ayın sonlarında gəlib və burda səhhəti pisləşib.1925-ci il mayın 24-də Təbriz şəhərində anadan olan Cavad Heyət ilk orta təhsilini İranda alıb.1946-cı ildə Türkiyə İstanbul Universitetinin tibb fakültəsini bitirib. Həmin universitetdə 3 il çalışdıqdan sonra təhsilini 4 il müddətində Paris Universitetində davam etdirib. Yüksək dərəcəli cərrah ixtisasına yiyələnərək 1952-ci ildə Tehrana qayıdıb və orada öz klinikasını açıb.Cavad Heyət Tehran Azad İslam Universitetinin cərrahiyə üzrə professorudur. Əlli ildən çoxdur ki, cərrahlıqla məşğuldur. Öz xüsusi klinikası olmaqla yanaşı, Tehran-Pars xəstəxanasında da çalışır.Doktor Cavad Heyət 1954-cü ildə qapalı ürək əməliyyatı, 1962-ci ildə isə İranda ilk dəfə açıq ürək cərrahiyyəsini müvəffəqiyyətlə həyata keçirib. Bundan sonra o, İranda ilk dəfə ürək qapaqlarını dəyişdirmə, heyvanlarda ürək dəyişdirmə, Tehranda ilk dəfə insanda böyrək dəyişdirmə əməliyyatını uğurla həyata keçirdiyinə görə “Birinci Dərəcəli Əmək Ordeni” ilə təltif olunub.1983-cü ildə isə cərrahiyyənin inkişafına verdiyi elmi-nəzəri və əməli uğurlarına görə Paris Beynəlxalq Cərrahlıq Akademiyasının üzvü seçilib.Bundan sonra 8 ildən artıq Tehranda Azad İslam Universitetinin cərrahiyyə kafedrasına rəhbərlik edib. Fars dilində cərrahlıqla bağlı üç cildlik dərs kitabının, eyni zamanda ikisi fars və beşi də türk dilində olan yeddi cildlik türkoloji kitabın müəllifidir.Cavad Heyət cərrahiyyə ilə bağlı Azərbaycan, Amerika, Fransa, Türkiyə və bir çox Avropa universitetlərində tez-tez mühazirələr oxumaq üçün dəvətlər alır.Cavad Heyət həmçinin “Varlıq” dərgisinin təsisçisidir. O, 36 ildən artıqdır ki, türk və fars dillərində yayılan bu ədəbi-mədəni dərgini nəşr etdirir.Cavad Heyət filologiya və türkologiya sahəsində “Azərbaycan ədəbiyyat tarixinə bir baxış”, “Azərbaycan şifahi xalq ədəbiyyatı”, “Türk dili və ləhcələrinin tarixi”, “İki dilin müqayisəsi” kitablarının müəllifidir.O, Bakı Dövlət Universitetinin, Azərbaycan Tibb Universitetinin, Xəzər Universitetinin fəxri doktoru, Azərbaycan Milli Elmlər Akademiyasının, N.Tusi adına Azərbaycan Pedaqoji Universitetinin fəxri professoru, Azərbaycan Cərrahları Elmi Cəmiyyətinin fəxri üzvüdür.Azərbaycan Yazıçılar Birliyinin M.F.Axundov adına mükafatına və “Dədə Qorqud” Assosiasiyasının təsis etdiyi “Məmməd Araz” mükafatına layiq görülüb. ANN.Az