Polis idarəsinə çağrılan Bəxtiyar Hacıyev: “Deputat toxunulmazlığı arxasında gizlənərək…”​

"Dostlar, narahat olmayın. Hər şey yaxşıdır. Deputat Fazil Qəzənfəroğlu mənim barəmdə Bakı Şəhər Baş Polis İdarəsinə şikayət edib, həyatına təhdid olmağımı bildirib”.

Anews.az xəbər verir ki, bu sözləri bu gün millət vəkili Fazil Mustafanın şikayəti əsasında BŞBPİ-ə çağırılmış ictimai fəal Bəxtiyar Hacıyev "facebook”da məsələ ilə bağlı məlumat verərkən yazıb. O bildirib ki, ona qarşı təhdid, şantaj, hədə-qorxu ittihamları irəli sürülüb:

"Bununla bağlı mən Baş Polis İdarəsinə dəvət edildim, geniş izahat yazdım, millət vəkilinin vətəndaşları təhqir etməsinin yolverilməz olduğunu, deputat toxunulmazlığı arxasında gizlənərək, vətəndaşları təhqir edə bilməyəcəyini bildirdim.

 

Baş Polis İdarəsində normal şəkildə qəbul edildim, izahat yazdım, çıxdım.