Azərbaycanda koronavirus xəstələrinin sayı niyə gedərək artır? - VİDEO

Azərbaycanda korona virusa yoluxanların sayı 500-dən düşmür.

 

Rəsmilər isə deyir ki, indiyə kimi atdıqları bütün addımlar düz olub.

 

Sərhədlər vaxtında bağlanıb, karantin rejiminin tətbiqnə və yumuşaldılmasına da tam vaxtında başlayıblar. Bəs onda Azərbaycanda COVİD-19 xəstələrinin sayı niyə artır?

 

Həkim Müşfiq Hüseynov deyir ki, xəstə sayının artması həm Operativ Qərargahın verdiyi qərarlar, həm də əhalinin COVİD-19-u oyun sayması ilə bağlıdır.

 

Ekspertlərin qınaq obyekti olan adi vətəndaşların da fikrini öyrəndik.

 

Tibb elmləri doktoru Aqil Qeybullanın məsələ ilə bağlı fikirlərini aldıq. Hazırda Azərbaycanda 17524 nəfər COVİD-19 xəstəsi qeydə alınıb.

 

Onlardan 9715-i sağalıb 213 nəfər isə ölüb. Son bir gündə xəstələnənlərin sayı 556-dır.