Bakıda avtomobil oğurlanıb

Bakıda avtomobil oğurlayan şəxs tutulub.

Anews.az-ın xəbərinə görə, hadisə iyulun 23-ü saat 15:00 radələrində Xətai rayonu General Şıxlinski küçəsində qeydə alınıb.

Belə ki, naməlum şəxs T.Məlikova məxsus işlək vəziyyətdə olan "Hyundaı” markalı avtomobili qaçırıb.

Polisə daxil olan müraciət üzrə Xətai Rayon Polis İdarəsinin 35-ci Polis Bölməsi əməkdaşlarının "isti izlər”lə keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən paytaxt sakini, 1974-cü il təvəllüdlü, əvvəllər məhkum olunmuş Rahib Rzayev Qala qəsəbəsində maşını saz vəziyyətdə idarə edərkən saxlanılıb.