Gürcüstanda azərbaycanlıların yaşadığı rayonda koronavirusa yoluxanların sayı artır

Gürcüstanda azərbaycanlıların yığcam yaşadıqları Qardabani rayonunda koronavirusa yoluxanların sayı 63-ə çatıb.

Anews.az xəbər verir ki, yoluxma hallarının 60%-i Qaracalar kəndində təsdiqlənib.

Rayonda əhali arasında kütləvi testləmə davam etdirilir. İndiyədək bələdiyyə üzrə 2 mindən çox insan COVID-19-la bağlı tibbi müayinədən keçirilib.

Qeyd edilir ki, Qaracalar kəndi koronavirusun geniş yayılması riski ilə bağlı iyulun 24-dən təcrid olunub.