Kiyevdə azərbaycanlı tələbələrə silahlı hücumun görüntüləri ortaya çıxıb - VİDEO

Iyulun 24-də saat 21:30-da (Bakı vaxtı ilə saat 22:30-da) Kiyevdə dörd azərbaycanlı tələbəyə hücum edilib. Rəsmi şəkildə hücumun Ukraynadakı erməni diasporunun nümayəndəsi tərəfindən həyata keçirildiyi məlum olub.
Tapança ilə silahlanan şəxs soyuqqanlı şəkildə tələbələrimizə atəş açıb, bundan sonra isə 50-RV-100 dövlət nömrə nişanlı "Mercedes Gelandewagen” markalı maşınla hadisə yerindən uzaqlaşıb.

Hücum nəticəsində iki azərbaycanlı yaralanıb. Onları Kiyevdəki 8 saylı şəhər klinik xəstəxanasına çatdırılıblar. Azərbaycan vətəndaşı Nicat Kərimov ayağından güllə yarası alıb. Oxşar xəsarət alan ikinci zərərçəkən Azər Abbasova hadisə yerində tibbi yardım göstərilib. Ərazidə daha sonra 9 millimetrlik gilizlər tapılıb.
Bununla yanaşı, bu gün Media.Az hadisə yerindən daha əvvəl heç bir yerdə dərc olunmamış eksklüziv videokadrları tapmağa müvəffəq olub. Kadrlarda tələbələrimizlə söhbət zamanı erməni mənşəli olmasını etiraf edən yetkin kişinin onlara soyuqqanlı şəkildə atəş etdiyi dəqiq görünür.

www.anews.az