STM Nikolu pərt edən aparıcıya -MÜRACİƏT ETDİ

Anews.az xəbər verir ki, müraciətdə bildirilir ki, verilişin aparıcısı obyektiv münasibət göstərərək, Ermənistanın baş nazirinə ölkəsinin Azərbaycan torpaqlarını işğal etməsi, işğal faktını BBC-nin nüfuzlu tribunasında  bütün dünyaya çatdırması, Tovuz istiqamətində təxribat törətmələri və bununla da mülki əhalinin həyatına təhlükə yaradaraq beynəlxalq humanitar hüququn prinsiplərini  pozması, işğal edilmiş ərazilərin qanunsuz məskunlaşdırıması, Dağlıq Qarabağda erməni işğal faktının beynəlxalq təşkilatların qətnamələrində təsdiq edilməsi,  Ermənistandan yol çəkilərək, işğal faktını qanuniləşdirməyə cəhd edilməsi, sülh prosesinə böyük zərbə vuraraq, işğal edilən tarixi Azərbaycan şəhərlərinin "Ermənistanındır” sayıqlaması  barədə suallar ünvanlayaraq, onun, faktiki isə Ermənistanın destruktiv, işğalçı dövlət siyasətini ifşa edərək, dünya ictimaiyyətinə təqdim edib.


Sosial Tədqiqatlar Mərkəzi qeyd edir ki, erməni baş nazirin tarixi saxtalaşdırmağa cəhd etməsi, rabitəsiz cavabları, sülhə təhlükə yaradan addımları ört-basdır etməyə cəhdi, siyasi keçmişi ilə hazırkı uğursuz rəhbərlik isterikasının fonunda Qarabağ həqiqətlərinə dünyanın diqqətinin cəlb edilməsində Stiven Sakuranın müstəsna rolu var. 


Qurum buna görə, aparıcıya azərbaycanlılar adından təşəkkür edir, tarixi ədalətin bərpası yolundakı fəaliyyətlərində uğurlar arzulayır.

www.anews.az