Abşeronda avtomobil oğrusu ələ keçdi

Abşeronda maşın oğrusu saxlanılıb.

Abşeron Rayon Polis İdarəsi əməkdaşlarının keçirdikləri əməliyyat zamanı, gecə saatlarında Rəhman Məmmədova məxsus "VAZ 2105” markalı 10-DH-094 dövlət qeydiyyat nişanlı avtomobili oğurlayan Lənkəran şəhər sakini, 30 yaşlı Mirhüseyn Ocaqov tutulub. 

Araşdırma zamanı onun maşın ustası olduğu, Masazır kəndində avtomobillərin təmiri sexlərinin birində işlədiyi müəyyən edilib. Çox güman ki, avtomobili də məhz hissələrə bölüb satmaq üçün oğurlayıb. 

Əvvəllər də bir neçə dəfə məhkumluq həyatı yaşayan Mirhüseyn Ocaqov tutduğu cinayət əməlindən peşman olduğunu bildirib.