Xətai polisi BDYPİ-nin göstərişinə əməl etmir

Bakıda beş ay öncə baş verən qəzaya görə yol polisi hələ də vətəndaşa arayış təqdim etmir.

Anews.az bildirir ki, "Qafqazinfo”ya müraciət edən Erkin Həsənli bildirib ki, martın 28-də Xətai rayonunda hərəkətdə olarkən yolun sağında qəza işıq siqnalını yandırıb dayanmış "Mitsubishi” markalı 99 VM 857 nömrəli avtomobilin sürücüsü qəfildən yola çıxaraq onun qarşısını kəsib: "Mən sağ zolaqda qaydaya uyğun olaraq hərəkət edirdim, həmin maşının qəfildən qarşıma çıxması ilə qəza baş verdi. Mənim idarə etdiyim "BMW” markalı 90 SZ 702 nömrəli maşın "Mitsubishi” markalı avtomobilə dəydi. Xətai rayon yol polisinin əməkdaşı qəzaya mənim səbəb olmağın haqda qərar çıxardı. Lakin mənim şikayətimdən sonra məsələ araşdırıldı və qərar verildi ki, qəza qarşı tərəfin təqsirinə görə olub. İndi isə kobud pozuntuya yol verən Xəta polisi Baş Dövlət Yol Polisi İdarəsinin rəis müavini Elşən Kazımovun göstərişinə əməl etmir. Onlar mənə bu barədə arayışı verməlidirlər ki, mən onu sığorta şirkətinə təqdim edərək maşınımı düzəltdirim. Lakin dəfələrlə müraciət etsəm də, heç bir əsaslı səbəb olmadan arayışı verməkdən imtina edirlər”.