Bakıda əks yolda piyadanı vuran 16 yaşlı sürücü kimdir? - VİDEO

Paytaxtın Həsən Əliyev küçəsində 90 UD 900 dövlət nömrə nişanlı, "Porsche” markalı avtomobillə əks istiqamətdə hərəkət edərək piyada keçidində piyadanı vuran sürücünün görüntüsü yayılıb. 

Anews.az-ın Avtosfer.az-a istinadən məlumatına görə, avtomobili sürən şəxs 16 yaşlı Firuz Salmanov olub. Sürücü sosial şəbəkələrdə müxtəlif vaxtlarda "Niva” markalı avtomobillə avtoxuliqanlıq hərəkətləri edərək videolar paylaşıb. Eyni zamanda çoxsaylı qayda pozuntuları edib. 

Hazırda idarə etdiyi "Porsche” markalı avtomobil anası Ülviyyə Salmanovanın adınadır. Avtomobili idarə etmək hüququ isə atası Pərviz Salmanova məxsusdur. Pərviz Salmanov parça alqı-satqısı ilə məşğul olur. 

Firuz Salmanov isə avtomobili sürücülük hüququ olmadan idarə edir. 

Qeyd edək ki, hadisə avqust ayının 24-də baş verib. Vurulan şəxsin ağır yaralandığı barədə məlumat verilib. Eyni zamanda onun vəfat etdiyi də bildirilir.