"Bakıda məktəbli formalarının alışı üçün axın yoxdur"- AÇIQLAMA

"Hazırda Bakı Tikiş Evində (BTE) məktəbli formalarının tikişi və satışı prosesi davam edir”.

Bunu "Report”a açıqlamasında BTE-nin Satış şöbəsinin rəisi Etibar Əzimov deyib.

O qeyd edib ki, məktəbli formalarının alınması üçün elə də çox axın müşahidə olunmur:

"Forma tikilişi üçün ehtiyatımız var və heç bir çatışmazlığımız da yoxdur. Bu gün üçün valideynlər ən çox ibtidai siniflər, əsasən də 1-ci sinfə gedən uşaqları üçün forma alınmasına görə bizə müraciət edirlər”.

Aşağı siniflər üçün vahid formanın qiyməti 40 manat, yuxarı siniflər üçün isə 46 manatdır.