Lənkəranda arvadını qısqanclıq zəmnində öldürən şəxs tutuldu

Sentyabrın 13-ü saat 10 radələrində Lənkəran rayonu, Balıqçılar qəsəbə sakini 1981-ci il təvəllüdlü Günay Abıyevanın odlu silahla qətlə yetirilən meyitinin yaşadığı evdə aşkar edilməsi barədə rayon prokurorluğuna  məlumat daxil olub.

Bu barədə Anews.az-a Lənkəran Rayon Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib və digər prosessual hərəkətlər yerinə yetirilib.

İstintaqla zərərçəkmişin əri, 1984-cü il təvəllüdlü Mais Abıyevin qısqanclıq zəmnində aralarında yaranmış münaqişə zamanı ov tüfəngindən atəş açaraq Günay Abıyevanı qəsdən öldürməsinə əsaslı şübhələr müəyyən edilib. 

Mais Abıyev şübhəli şəxs qismində tutularaq istintaqa cəlb olunub.