Azərbaycan əsgəri vurduqca İrəvan güzəşt üçün Bakıya niyə yalvarır? “Məsumiyyətin” iç üzü açıldı

O, maraqlıdır ki, bu müsahibəsini bir neçə saat əvvəl Baş nazir Paşinyanın Makrona zəng etməsindən və prosesə müdaxilə etməsi üçün xahişindən az sonra verir.

"Genişmiqyaslı əməliyyatlar bizi çox narahat edir”, deyən XİN rəhbəri ən sonda rəsmi İrəvanın kompromisə hazır olduğunu bildirib:

"Əlbəttə, münaqişənin Fransa, ABŞ və Rusiyanın daxil olduğu ATƏT-in Minsk qrupunun vasitəçiliyi ilə həllini istəyirik, buna sadiqik. Münaqişənin sülh yolu ilə həll edilməsi, kompromisə əsaslanan həll variantının tapılması maraqlarımıza uyğundur”.

Dərhal belə bir sual meydana çıxır ki, 30 il ərzində Azərbaycan hətta öz tərkibində Dağlıq Qarabağ ermənilərinə ən yüksək səviyyədə status verməyə hazır olduğunu bəyan etdiyi halda, Ermənistan prosesi hər dəfə niyə dalana dirəmək üçün can atıb və bunu bacarıb.

İndiki bəyanatın ana cümləsi "kompromis”in səslənməsi üçün mütləq Azərbaycan əsgərinin işğal faktını durdurmaq üçün, status – kvonu laxlatmaq üçün silaha əl atmasımı lazım idi?

Bəs, illər uzunu rəsmi İrəvanın yürütdüyü işğalçılıq, aqressorluq, barışmazlıq statusu hara getdi?

Dünya ictimaiyyətini alatmaqla Azərbayca torpaqlarını mənimsəməyə cəhdin təbliğat yalanlarına bürünməsini necə izah etmək olar?

Yaxud da Azərbaycan əsgərinin silahı qarşısında güzəşt iddialarını səsləndirmək İrəvanın hansı səmimiyyətindən xəbər verir?

Hər bir halda, gecdir, ordumuz Xankəndi, Şuşa, Qarabağın digər torpaqlarının azadlığı uğrunda tarix yazmaqda və irəliləməkdədir.