Azərbaycanlılar Kanadanın hökumət rəsmilərinə bəyanat ünvanlayıb

Kanadada yaşayan soydaşlarımız erməni təxribatına etiraz edərək hökumət numayəndələrinə, parlament üzvlərinə və digər yerli səlahiyyyətli şəxslərə bəyanatlar ünvanlayıb. 

Bu barədə anews.az-a Diasporla İş üzrə Dövlət Komitəsindən verilən məlumatlara görə, bəyanatlarda Ermənistanın Azərbaycana qarşı törətdiyi hərbi cinayət faktları sadalanıb, BMT Təhlükəsizlik Şurasının 822, 853, 874 və 884 saylı qətnamələrini yerinə yetirmədiyi, habelə beynəlxalq hüququn norma və prinsiplərinə məhəl qoymadığı, təxribatçı hərəkətlərini davam etdirməklə regionda daha da təhlükəli vəziyyət yaratdığı qeyd edilib.